![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Amstrad CPC estió o nombre d'una serie d'ordinadors domesticos de 8 bits producida por l'interpresa Amstrad entre o decenio de 1980 y en primerías d'as anyadas 1990. «CPC» ye l'acronimo en anglés Colour Personal Computer (en aragonés Ordinador personal en color), encara que en realidat yera posible mercar un CPC con un monitor monocromo (de fosforo verde).
O primer ordinador d'a serie, o CPC 464, estió presentau en 1984. Estió disenyau pa estar un competidor dreito a lo Commodore 64 y o Sinclair ZX Spectrum. A gama CPC tenió muito exito y mas de 3 millons d'unidatz estioron vendius entre a vida util d'a maquina.
Externament, l'aspecto mas caracteristico d'a maquina d'Amstrad ye a teclau negro mate con as cantonadas agudas y una forma rectangular, a causa d'a cubierta encastada d'a cinta de casette (CPC 464) u d'a disquetera (CPC 664 y CPC 6128), as teclas especials d'o teclau coloreadas y una sola fuent d'alimentación con una connexión que va d'o monitor en l'ordinador. Tamién yera posible utilizar o monitor como pantalla de televisión con un convertidor de TV opcional.